TË REJAT

Bern, 16 dhjetor 2025 Shoqata Kulturore Shqiptare “Bashkimi” në Bern mbajti me sukses Kuvendin e saj të 8-të Zgjedhor, ku u bë raportimi i punës dhe aktiviteteve të kryesisë së deritanishme, si dhe u zhvillua procesi zgjedhor për organet e reja drejtuese të shoqatës.

Pas paraqitjes së raportit të punës dhe raportit financiar nga arkëtari Sabedin Selmani, kuvendarët votuan për zgjedhjen e kryesisë së re.

Në këtë kuvend u zgjodh:

• Dr. Alida Ramaj – Kryetare e Shoqatës

• Nexhmedin Avdija – Sekretar

• Valentina Hasanaj – Arkëtare

Gjithashtu, u zgjodhën edhe udhëheqësit e komisioneve të shoqatës:

• Komisioni për Arsim, Kulturë, Rini dhe Sport: Blerim Ramadani dhe Isat Kelmendi

• Komisioni i Gruas: Hamide Haziri

• Komisioni për Integrim: Teuta Gashi Kryeziu

• Komisioni për Informim: Arben Ramaj

Procesi zgjedhor u mbikëqyr nga Komisioni Zgjedhor, i përbërë nga Mark Prenkaj, Granit Merseli dhe Enver Qorraj. Gjatë përzgjedhjes së kryesisë së re, rëndësi e veçantë iu kushtua përfaqësimit gjithëpërfshirës nga të gjitha trojet shqiptare.

Veçohet fakti se në kryesinë e re prej 15 anëtarësh, 8 janë gra, duke reflektuar angazhimin e shoqatës për barazi dhe përfshirje.

Anëtarët e Kryesisë së re janë:

Në vijim, Kuvendi zgjodhi edhe Komisionin e ri të Revizionit, në përbërje:

Kryetarja e deritanishme e Shoqatës, Arbenita Zeka Surdulli, në fjalën e saj përshëndetëse, shprehu mirënjohje të veçantë për punën e palodhur dhe kontributin me vlera kombëtare të kryesisë, anëtarëve, sponsorëve dhe mbështetësve të shoqatës ndër vite.

Kuvendi u përcoll medialisht nga Granit Merseli, drejtor i kreativ MG Studio.

Shoqata Kulturore Shqiptare “Bashkimi” Bern vazhdon angazhimin e saj për ruajtjen dhe promovimin e kulturës, gjuhës dhe vlerave kombëtare shqiptare në Zvicër.

Me respekt

Kryesia e SHKSH “Bashkimi” Bern